Oor die gevare van kaalvoet loop in die wildernis het ek my iewers –  in my bosboek Buurman van die Wildtuin, meen ek – ewe slimjan uitgespreek. Teen my eie verstandige advies in braai ek egter hierdie vakansie in Sabiepark een aand ‘n vleisie met (in polisieterme) ongeskoende voete. 

Weet julle hoe brand die kooltjie van ‘n vurige vleisbraaivuur as jy hom diep in die sagte kussing van jou voet wegtrap? Tokkie was dadelik byderhand met ‘n blokkie ys. Maar ek het omtrent ‘n riel gedans.

As daar enige twyfel bestaan of Afrikaans wel een van die mees beskrywende tale is, is daar ’n maklike manier om dit op die toets te stel.

Ek en my man is albei groot voëlliefhebbers. Een van die mees bevredigende dele van hierdie stokperdjie is om die baie interessante en beskrywende Afrikaanse name van voëls na te slaan. Ons werk hoofsaaklik met Engelse toeriste en ’n mens raak so maklik aan die Engelse name gewoond (deesdae ook algemeen deur Afrikaanssprekendes gebruik), dat jy soms vergeet hoeveel pret daar in die Afrikaanse name is.

Eendag, eendag, glo ek, gaan daardie watergat langs die Kruger-wildtuin se Salitjepad ons weer beloon.

Soos daardie dag in 1973 waaroor ons gewese buurman in Bloemfontein Chris van Rensburg nie ophou om Tokkie te terg nie. "Vertel net weer van die leeus, en die luiperd, en die wildehonde en die hiënas en die olifante en die seekoeie en die bokkies en die krokodil..."

Natuurlik oordryf hy. Daar was nie wildehonde nie; ook nie hiënas of olifante of seekoeie nie. Daar was wel leeus. En 'n luiperd. En bokkies. En 'n krokodil.

In Beeld van 18 April 2008 berig Elise Tempelhoff as volg: "’n Pampoenkleurige liewenheerbesie (lady bird), wat feitlik alles verorber wat in haar pad kom, het Suid-Afrika binnegeval.

Die besie is deur plaaslike wetenskaplikes “die harlekyn” (Harmonia axyridis) gedoop en is onlangs vir die eerste keer in Gauteng opgemerk.

Neels Jackson berig in Beeld van 3 April 2008: "’n Rooipootelsie kan dalk in die toekoms ’n stelt word, ’n wildemakou ’n makougans en ’n swartriethaan ’n swartriethen.

Dit is enkele van dosyne veranderinge in Afrikaanse voëlname wat mnre. Mostert Kriek en Tertius Gous, twee Afrikaanse voëlkenners, voorstel.

Hulle het hul voorgestelde lys vir kommentaar op die webwerf van die Universiteit van Kaapstad se Percy FitzPatrick-instituut gepubliseer.