Mavis Hutchinson, in die sewentiger jare oraloor Suid-Afrika bekend as die "Gallopende Ouma", verskyn 'n paar maande terug op televisie in 'n onderhoud en, tot ons verbasing, praat sy vlot Afrikaans - inteendeel, by tye dring sy selfs aan om voort te gaan in Afrikaans - selfs wanneer die aanbieder wou handjie bysit deur Engelse vrae te vra... Voorwaar 'n waardige benoeming!

Sy is veral bekend vir die feit dat sy die eerste vrou was wat aan die Comrades Marathon deelgeneem het, verskeie Comrades en ander ultra marathonne voltooi het en ook die eerste vrou was wat dwarsoor Amerika gehardloop het. Vroeg vanjaar, op ouderdom 82, wen sy ook die 200 meter by die Wêreld Meesters Kampioenskappe. Wel gedaan Ouma!

Mathews Phosa is die voormalige Premier van Gauteng, het verskeie sakebelange, is die huidige verkose Tesourier-Generaal van die ANC en dit is alombekend dat hy na die verkiesing in 2009 bestem is vir 'n top posisie in die regering.

Hy verskyn gereeld op die openbare verhoog en skroom nie om sy sê te sê in Afrikaans nie, selfs ook in formele vergaderings. Hy het ook reeds 'n aantal gedigte gepubliseer in Afrikaans.

Sy bydrae tot die gebruik van Afrikaans word waardeer.