Voorbereiding:
Metode: Sit oond aan op 180 grade C en met konveksie aan. Neem bakplaat en spuit met Cookie Spray en sit eenkant. Sif bruismeel, sout en bakpoeier saam deur in meng bak. Neem nou die handklitser en meng alles lekker saam deur en ook om dit lig en deurlug te maak. Neem nou die ys koue margarien (hou dit heeltyd in die yskas dat dit nie warm word nie!) en die rasper. Rol die blokkie margarien deur die meel in die meng bak en rasper dit deur aanmekaar in die meel te bly werk. Meng en rasper so in die meel in.
As jy klaar is daarmee, vryf met albei hande die margarien stukkies deur die meel totdat lekker los en deur gewerk is. Werk vinnig dat dit koud bly. Breek nou die eier/s in die klein meng bakkie. Gooi 250ml karringmelk in koppie (vir kleiner resep) en vul op met melk tot vol. Voeg nog ¼ koppie melk by. (om saam 1 en ¼ koppie te maak – 310ml) Vir die groter resep moet dit 620ml wees, gebruik dan 500ml karringmelk en vul op met melk om saam 620ml te maak. Spoel karringmelk houer met melk uit. Klits nou lekker saam met handklitser/menger. Voeg dan eier/karringmelk mengsel by meel stadig en meng deur om deeg te maak.
Maak hande skoon met bietjie droeë meel op hande te gooi en vryf af. Werk deeg nou deeglik deur sonder om dit warm te laat word. Vou om en om en druk dit saam om eweredige deeg te maak. Gooi bietjie meel op werk area en plaas deeg daarop en druk plat, so ¾ duim tot 1 duim dik. Druk dan skons uit en sit langs mekaar in bakplaat.
Bak in oond by 180 grade C vir 25 tot 30 minute. Hulle behoort reg te wees teen 25 minute, dit hang af van oond tot oond. Leer jou oond ken. As klaar is, haal uit en laat afkoel. |
/ (9 Stemme)
